АКАДЕМИК САИДЖАЛОЛ МАҲМУДОВИЧ БАХРАМОВ
Саиджалол Маҳмудович Бахрамов 1938 йил 22 январда Тошкент вилояти Оққўрғон қишлоғида деҳқон оиласида туғилган. 1962 йилда Тошкент тиббиёт институтининг даволаш факултетини тамомлаган.
1964 йилда аспирантурага ўқишга кирди. 1970-йилда С.М.Баҳрамов Гематология ва қон қуйиш илмий-тадқиқот институтига гематология клиникаси мудири, 1972-йилда эса бир вақтнинг ўзида институт директорининг илмий ишлар бўйича ўринбосари лавозимига тайинланган. С.М.Баҳрамов бу лавозимларда 14 йил ишлаган. Бу даврда унинг раҳбарлиги ва шахсан иштирокида анемия муаммосини биринчи тизимли ўрганиш амалга оширилди. Гемоглобинопатиялар ва эритротситлар энзипатияларига алоҳида эътибор берилди. Ушбу илмий ишланма республика аҳолиси орасида гемоглобиннинг ирсий патологиялари ва эритроцитлар ферментлари аномалияларининг клиник кўринишдаги шакллари мавжудлигини исботлаш имконини берди. Ўзбекистонда биринчи маротаба ферментларнинг халқаро классификаторига киритилган анормал фермент Г-6-ПДГ эритроцитларнинг иккита янги варианти аниқланди.
1984-йилда С.М.Баҳрамов вазир ўринбосари — собиқ тўртинчи бош бошқарма бошлиғи, 1985-йил охирида Ўзбекистон соғлиқни сақлаш вазири этиб тайинланди.
1985 йилдан 2017 йилгача С.М.Баҳрамов Ўзбекистон Республикаси Соғлиқни сақлаш вазирлиги Тошкент врачлар малакасини ошириш институти гематология ва трансфузиология кафедраси мудири лавозимида фаолият юритган.
Илмий экспедицион тадқиқотлар жараёнида тўпланган катта ҳажмдаги материаллар асосида С.М.Баҳрамов талабалари томонидан 6 та докторлик ва 12 та номзодлик диссертатсиялари муваффақиятли ҳимоя қилинди, улар билан биргаликда 7 та иҳтирога патент олинди.
С.М.Баҳрамов қаламига мансуб 400 дан ортиқ нашр этилган асарлари мавжуд. Жумладан, шифокорлар учун "Қон тизими касалликлари" (1980, 1987), "Трансфузион тиббиёт" (2013) кўрсатмаларига эга.
С.М.Баҳрамов Ўзбекистон гематологлар ва трансфизиологлар уюшмаси ташкилотчиси. Унинг ташаббуси билан “Анемия ва лейкемия” - Республика хайрия жамоат фонди ташкил этилди (ҳозирда ушбу фондга академик С.М.Баҳрамов номи берилган).
С.М.Баҳрамовга “Ўзбекистон Республикасида ҳизмат кўрсатган шифокор” фаҳрий унвони берилган. “Шон-шараф белгиси” ордени билан тақдирланган. 2001 йилда профессор С.М.Баҳрамов Россия Фанлар академиясининг фаҳрий академиги этиб сайланган. Халқаро қон қуйиш жамияти (Франция) ва Ўзбекистон Журналистлари ижодий уюшмаси аъзоси (2022).
С.М.Баҳрамов кўп ўн йилликлар давомида тиббиёт, илмий ва педагогик фаолиятни ўзида жамлаган ҳолда ушбу соҳаларнинг ҳар бирига янгилик кирита олди ва шу орқали обрўли шифокор, олим, ўқитувчи ва раҳбарга айланди.