“Oliy ta’lim muassasalari to‘g‘risida”gi Nizomga muvofiq, Markaz faoliyatining asosiy masalalarini ko‘rib chiqish uchun direktor huzurida va uning rahbarligida Markaz Olimlar kengashi tashkil etiladi. Olimlar kengashining asosiy vazifasi yuqori tashkilotlarning qarorlari va amaliy sog‘liqni saqlash ehtiyojlarini amalga oshirish uchun butun jamoaning sa’y-harakatlarini birlashtirishdan iborat.

Markaz olimlar kengashi 3 yil muddatga saylanadi. Zaruratga qarab Markaz Olimlar kengashi tarkibiga tuzatishlar va o‘zgartirishlar kiritilishi mumkin.

Markaz olimlar kengashi vazifalari:

• o‘quv jarayonini tashkil etishning barcha masalalari bo‘yicha qarorlarni ko‘rib chiqadi;
• o‘quv jarayonini tashkil etishning barcha masalalari bo‘yicha qarorlar qabul qiladi;
• ilmiy tadqiqot rejalarini tasdiqlaydi;
• fakultetlar, kafedralar va boshqa tarkibiy bo‘linmalarni tashkil etish (tugatish) masalalarini hal qiladi;
• professor-o‘qituvchilarning lavozimlarini to‘ldirish masalalarini ko‘rib chiqadi: rahbar, kafedralar, professorlar, dotsentlar va ilmiy hodimlar;
• professor-o‘qituvchilar va boshqa tarkibiy bo‘linmalar zaxirasini tayyorlash masalalarini ko‘rib chiqadi;
• Markaz dekanlari, kafedra  va bo‘lim mudirlarining fakultet, kafedra va bo‘limlarning o‘quv-uslubiy, ilmiy-tadqiqot va tibbiyot ishlari bo‘yicha hisobotlarini ko‘rib chiqadi;
• Markaz faoliyatiga oid boshqa masalalarni ko‘rib chiqadi.

1. Markaz Olimlar kengashining majlislari har yili ishlab chiqiladigan reja asosida o‘tkaziladi. Ish rejasi Markaz Olimlar kengashida ko‘rib chiqilgandan so‘ng direktor tomonidan tasdiqlanadi.

2. Olimlar kengash qarorlari ochiq ovoz berish yo‘li bilan, oddiy ko‘pchilik ovoz bilan, professor-o‘qituvchilar tarkibi, ilmiy unvonlar berish bo‘yicha tanlovlar o‘tkazilganda esa belgilangan tartibda yashirin ovoz berish yo‘li bilan qabul qilinadi.

3. Markaz Olimlar kengashining majlislari har oyda (navbatdan tashqari bo‘lishi mumkin) o‘tkaziladi va bayonnoma bilan rasmiylashtiriladi, ular Olimlar kengashi raisi va kotibi tomonidan imzolanadi.

4. Qarorning bir nusxasi ichki nazorat inspeksiyasi bo‘limiga topshiriladi, u Olimlar kengash kotibi bilan birgalikda qarorlar ijrosini tizimli tekshirishni tashkil etadi, Olimlar kengashi raisi va a’zolariga qarorlarning bajarilishi to‘g‘risida axborot beradi.